Amis lycéens, vous z'êtes servis!
Alors, mes gins, pas d'indigestion aveuc l'interr'mint de Jean-Paul II?
Alos, les gens (ami(e)s pas d'indigestion avec l'enterrement de Jean-Paul II
Mi, j'avos rien conte li,
Moi, j'avais rien contre lui,
mais I faut bien avouer qu'ches télés al z'ont mis l'paquet!
Mais, Il faut bien avouer que les télés ont mis le paquet!
Al pouvottent pont li foute la paix (éternelle)?
Mais ch'est pont d'cha que j'voulos vous parler, j'voulos m'adrécher à ches jon-nes lycéens et lycéennes qui z'érottent bien b'soin d'ein cours d'français, pasqu'i z'ont rien compris à cho qui s'passe.
Ches jon-nes-là, I voulottent du dialoque, eh ben, i n'ont eu!
Mais i z'érottent du savoir qu'dialoque, cha veut dire écanche et des écanches, i n'a eu:
des arvindications conte des cops d'matraques,
ch'est pont d'l'écanche, cha?
des paroles conte des gaz lacrymogein-nes, cha aussi ch'est d'l'écanche!
In véyant ein CRS foute ein cop d'pied dins l'figure d'ein jon-ne, cha m'a rapp'lé mes étutes d'philo (eh ouais, j'ai biau ête queu dins l'patois chti tout pitit, j'a quand meim-me décroché min bac philo, comme quoi....).
J'a toudis eu querre savoir ed dù qu'ches mots i vénotent et i n'a ein qui est arvénu: l'verpe inculquer.
Ch'est ein mot qui vient tout drot du latin et qui voulot dire "infoncer à coup d'talon": ch'est bien cha qu'nou CRS I a voulu faire: inculquer les bon-nes manières à ch'jon-ne à terre (in s'demante mein-me cha qui féjot là au liu d'apprinte ses leçons, non mais!).
D'toute façon, ch'est biau cho qu'ches jon-nes i sont in train d'faire, vouloir apprinte dins des bon-nes conditions, mais com-me toudis, I vont s'faire avoir com-me à l'coin d'ein bos, vu que l'fameusse loi al est déjà votée.
D'ichi qu'in arvien-ne à l'école ed papa (et meim-me ed grand-papa), i n'y a pont long et j'pinse qu'certains d'nous z'hommes politiques i ont l'argret d'l'éducation d'avant:
t'apprinds et té fermes tin bec! Ch'étot, à première vue, plus facile, mais j'cros bien qu'nous jon-nes i n'ont pont du tout invie! La question, ch'est d'savoir commint I vont pinser quand i séront adultes;
j'dis cha pasque nous fameux (enfin, ch'est à vir') z'hommes politiques, eux aussi i z'ont été jon-nes, in vouot cho qu'cha don-ne!
Je vais faire les traductions entre les espaces
